ᠪᠤᠯᠠᠭᠠᠨ ᠠᠶᠢᠮᠠᠭ ᠤ᠋ᠨ ᠴᠠᠭᠳᠠᠭᠠ ᠶ᠋ᠢᠨ ᠭᠠᠵᠠᠷ ᠲᠠᠢ ᠬᠠᠮᠲᠤᠷᠠᠭᠰᠠᠨ ᠠᠭᠤᠯᠵᠠᠯᠲᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠪᠠБулган аймгийн цагдаагийн газартай хамтарсан уулзалт зохион байгуулав
2026 оны 02 дугаар сарын 09-ний өдөр Монгол Улсын Хууль зүй, дотоод хэргийн сайд, Шүүхийн ерөнхий зөвлөлийн даргын хамтарсан 2021 оны 05 дугаар сарын 20-ны өдрийн А/116, 65 дугаартай тушаалаар батлагдсан “Шүүх хуралдааны дэг сахиулах, шүүх, шүүгч, шүүх бүрэлдэхүүн, шүүх хуралдаанд оролцогчийн аюулгүй байдлыг хангах”, “Яллагдагч, шүүгдэгчийг хуяглан хүргэх, шүүхийн дуудсанаар ирэхгүй байгаа яллагдагч, шүүгдэгч, гэрч, хохирогч, зохигч, хэргийн оролцогчийг албадан ирүүлэх, шүүхээс оргон зайлсан яллагдагч, шүүгдэгч, ялтныг эрэн сурвалжлах журам”-ын хэрэгжилтийн 2025 оны ажлын үр дүнг хэлэлцэж, 2026 онд хамтран ажиллах төлөвлөгөөг батлах зорилгоор уулзалт зохион байгууллаа.
Уулзалтын эхэнд шүүхийн Тамгын газрын зохион байгуулалтын хэлтсийн дарга Б.Азжаргал анхан болон давж заалдах шатны шүүх, шүүхийн Тамгын газрын бүтэц, 2025 онд шүүхүүдийн шүүн таслах ажиллагааны талаар товч танилцуулга хийв. Мөн Булган аймгийн Цагдаагийн газрын нийтийн хэв журмын хамгаалах, олон нийтийн аюулгүй байдлыг хангах тасгийн дарга А.Оюунболд 2025 оны төлөвлөгөөнд тусгагдсан ажлын хэрэгжилт, авч хэрэгжүүлсэн арга хэмжээний талаар танилцууллаа.
Уулзалтын үеэр оролцсон шүүгч, ажилтнуудын санал хүсэлтийг сонсож, цаашид анхаарах асуудлыг хэлэлцэв.
