Нийт шүүгчийн III чуулган 2025.10.09,10-ны өдрүүдэд Улаанбаатар хот, Төрийн ордонд болж байна. Монгол Улсын шүүхийн тухай хуульд бүх шатны шүүхийн Ерөнхий шүүгч, шүүгчдээс бүрдсэн нийт шүүгчийн чуулганыг хоёр жил дутамд зохион байгуулдаг. “Нийт шүүгчийн III чуулган”-ыг Монгол Улсын Шүүхийн ерөнхий зөвлөл, шүүгч нараас бүрдсэн ажлын хэсэг зохион байгуулж байна.
Монгол Улсын хэмжээнд нийт 517 шүүгч ажиллаж байгаа бөгөөд Нийт шүүгчийн III чуулганд 498 шүүгч биечлэн оролцож байгаагаас Булган аймгийн анхан болон давж заалдах шатны 10 шүүгч бүгд биечлэн оролцож, Шударга ёсны тогтолцоог бэхжүүлэх, хууль тогтоомжийг боловсронгуй болгох, шүүхийн бие даасан, шүүгчийн хараат бус байдлыг сайжруулах чиглэлээр санал санаачилга гаргах, Шүүхийн ерөнхий зөвлөлийн гишүүнийг сонгох эрхээ хэрэгжүүлж байна.
ᠨᠡᠶᠢᠲᠡ ᠰᠢᢉᠦᢉᠴᠢ ᠶ᠋ᠢᠨ III ᠴᠢᠭᠤᠯᠭᠠᠨ ᠒᠐᠒᠕᠂᠑᠐᠂᠐᠙᠂᠑᠐- ᠤ᠋ ᠡᠳᠦᠷ ᠦ᠋ᠳ ᠲᠦ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ᠂ ᠲᠥᠷᠦ ᠶ᠋ᠢᠨ ᠣᠷᠳᠤᠨ ᠳ᠋ᠤ ᠪᠣᠯᠵᠤ ᠪᠠᠶᠢᠨᠠ᠃ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠰᠢᢉᠦᢈᠦ ᠶ᠋ᠢᠨ ᠲᠤᠬᠠᠢ ᠬᠠᠤᠯᠢ ᠳ᠋ᠤ ᠪᠦᢈᠦ ᠱᠠᠲᠤᠨ ᠤ᠋ ᠰᠢᢉᠦᢈᠦ ᠶ᠋ᠢᠨ ᠶᠡᠷᠦᠩᢈᠡᠢ ᠰᠢᢉᠦᢉᠴᠢ᠂ ᠰᠢᢉᠦᢉᠴᠢᠳ ᠡᠴᠡ ᠪᠦᠷᠢᠳᠦᢉᠰᠡᠨ ᠨᠡᠶᠢᠲᠡ ᠰᠢᢉᠦᢉᠴᠢ ᠶ᠋ᠢᠨ ᠴᠢᠭᠤᠯᠭᠠᠨ ᠢ᠋ ᠬᠣᠶᠠᠷ ᠵᠢᠯ ᠳᠤᠲᠠᠮ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠳᠠᠭ᠃ “ᠨᠡᠶᠢᠲᠡ ᠰᠢᢉᠦᢉᠴᠢ ᠶ᠋ᠢᠨ III ᠴᠢᠭᠤᠯᠭᠠᠨ”- ᠢ᠋ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠰᠢᢉᠦᢈᠦ ᠶ᠋ᠢᠨ ᠶᠡᠷᠦᠩᢈᠡᠢ ᠵᠥᠪᠯᠡᠯ᠂ ᠰᠢᢉᠦᢉᠴᠢ ᠨᠠᠷ ᠠ᠋ᠴᠠ ᠪᠦᠷᠢᠳᠦᢉᠰᠡᠨ ᠠᠵᠢᠯ ᠤ᠋ᠨ ᢈᠡᠰᠡᢉ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃ ᠮᠣᠩᠭᠤᠯ ᠤᠯᠤᠰ ᠤ᠋ᠨ ᢈᠡᠮᠵᠢᠶ ᠡᠨ ᠳ᠋ᠦ ᠨᠡᠶᠢᠲᠡ ᠕᠑᠗ ᠰᠢᢉᠦᢉᠴᠢ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠥᢉᠡᠳ ᠨᠡᠶᠢᠲᠡ ᠰᠢᢉᠦᢉᠴᠢ ᠶ᠋ᠢᠨ III ᠴᠢᠭᠤᠯᠭᠠᠨ ᠳ᠋ᠤ ᠔᠙᠘ ᠰᠢᢉᠦᢉᠴᠢ ᠪᠡᠶᠡᠴᠢᠯᠡᠨ ᠣᠷᠤᠯᠴᠠᠵᠤ ᠪᠠᠶᠢᠭᠠ ᠠ᠋ᠴᠠ ᠪᠤᠯᠠᠭᠠᠨ ᠠᠶᠢᠮᠠᠭ ᠤ᠋ᠨ ᠠᠩᠬᠠᠨ ᠪᠣᠯᠤᠨ ᠳᠠᠪᠠᠵᠤ ᠵᠠᠭᠠᠯᠳᠤᠬᠤ ᠱᠠᠲᠤᠨ ᠤ᠋ ᠑᠐ ᠰᠢᢉᠦᢉᠴᠢ ᠪᠦᢉᠦᠳᠡ ᠪᠡᠶᠡᠴᠢᠯᠡᠨ ᠣᠷᠤᠯᠴᠠᠵᠤ᠂ ᠰᠢᠳᠤᠷᠭᠤ ᠶᠣᠰᠤᠨ ᠤ᠋ ᠲᠣᠭᠲᠠᠯᠴᠠᠭᠠ ᠶ᠋ᠢ ᠪᠡᢈᠢᠵᠢᢉᠦᠯᢈᠦ᠂ ᠬᠠᠤᠯᠢ ᠲᠣᠭᠲᠠᠭᠠᠮᠵᠢ ᠶ᠋ᠢ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠭᠠᠬᠤ᠂ ᠰᠢᢉᠦᢈᠦ ᠶ᠋ᠢᠨ ᠪᠡᠶᠡ ᠳᠠᠭᠠᠭᠠᠭᠰᠠᠨ᠂ ᠰᠢᢉᠦᢉᠴᠢ ᠶ᠋ᠢᠨ ᠬᠠᠷᠠᠭᠠᠲᠤ ᠪᠤᠰᠤ ᠪᠠᠶᠢᠳᠠᠯ ᠢ᠋ ᠰᠠᠶᠢᠵᠢᠷᠠᠭᠤᠯᠬᠤ ᠴᠢᢉᠯᠡᠯ ᠢ᠋ᠶᠡᠷ ᠰᠠᠨᠠᠯ ᠰᠠᠨᠠᠭᠠᠴᠢᠯᠭᠠ ᠭᠠᠷᠭᠠᠬᠤ᠂ ᠰᠢᢉᠦᢈᠦ ᠶ᠋ᠢᠨ ᠶᠡᠷᠦᠩᢈᠡᠢ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠨ ᠢ᠋ ᠰᠣᠩᠭᠤᠬᠤ ᠡᠷᢈᠡ ᠪᠡᠨ ᢈᠡᠷᠡᢉᠵᠢᢉᠦᠯᠵᠦ ᠪᠠᠶᠢᠨᠠ᠃
Нийт шүүгчийн III чуулганаар Шүүхийн ерөнхий зөвлөлийн шүүгч гишүүдийг сонгох бөгөөд шүүхийн шинэтгэл, Нийт шүүгчийн чуулганы дэгд нэмэлт, өөрчлөлт оруулах төсөл, Хэрэг, нэхэмжлэл, өргөдөл, гомдол, хүсэлт хүлээн авах болон хуваарилах, Хэрэг маргааныг хянан шийдвэрлэх шүүгч, шүүх бүрэлдэхүүнийг сугалаагаар томилох нийтлэг журамд нэмэлт, өөрчлөлт оруулах, Шүүх эрх мэдлийн хүрээнд дагаж мөрдөх хууль тогтоомжийг боловсронгуй болгох, Шүүхийн тогтолцоо, зохион байгуулалт, үйл ажиллагааг боловсронгуй болгох, Шүүгчийн эрх ашгийг хамгаалах, сахилга хариуцлагыг сайжруулах асуудлыг хэлэлцэж шийдвэрлэнэ.
ᠨᠡᠶᠢᠲᠡ ᠰᠢᢉᠦᢉᠴᠢ ᠶ᠋ᠢᠨ III ᠴᠢᠭᠤᠯᠭᠠᠨ ᠢ᠋ᠶᠠᠷ ᠰᠢᢉᠦᢈᠦ ᠶ᠋ᠢᠨ ᠶᠡᠷᠦᠩᢈᠡᠢ ᠵᠥᠪᠯᠡᠯ ᠦ᠋ᠨ ᠰᠢᢉᠦᢉᠴᠢ ᢉᠡᠰᠢᢉᠦᠳ ᠢ᠋ ᠰᠣᠩᠭᠤᠬᠤ ᠪᠥᢉᠡᠳ ᠰᠢᢉᠦᢈᠦ ᠶ᠋ᠢᠨ ᠰᠢᠨᠡᠳᢈᠡᠯ᠂ ᠨᠡᠶᠢᠲᠡ ᠰᠢᢉᠦᢉᠴᠢ ᠶ᠋ᠢᠨ ᠴᠢᠭᠤᠯᠭᠠᠨ ᠤ᠋ ᠳᠢᢉᠳᠡ ᠨᠡᠮᠡᠯᠲᠡ᠂ ᠥᢉᠡᠷᠡᠴᠢᠯᠡᠯᠲᠡ ᠣᠷᠤᠭᠤᠯᠬᠤ ᠲᠥᠰᠦᠯ᠂ ᢈᠡᠷᠡᢉ᠂ ᠨᠡᢈᠡᠮᠵᠢᠯᠡᠯ᠂ ᠡᠷᢉᠦᠳᠡᠯ᠂ ᠭᠣᠮᠤᠳᠠᠯ᠂ ᢈᠦᠰᠡᠯᠲᠡ ᢈᠦᠯᠢᠶᠡᠨ ᠠᠪᠬᠤ ᠪᠣᠯᠤᠨ ᠬᠤᠪᠢᠶᠠᠷᠢᠯᠠᠬᠤ᠂ ᢈᠡᠷᠡᢉ ᠮᠠᠷᠭᠤᠭᠠᠨ ᠢ᠋ ᢈᠢᠨᠠᠨ ᠰᠢᠢᠳᠪᠦᠷᠢᠯᠡᢈᠦ ᠰᠢᢉᠦᢉᠴᠢ᠂ ᠰᠢᢉᠦᢈᠦ ᠪᠦᠷᠢᠯᠳᠦᢈᠦᠨ ᠢ᠋ ᠰᠤᠭᠤᠯᠤᠭᠠ ᠪᠠᠷ ᠲᠣᠮᠢᠯᠠᠬᠤ ᠨᠡᠶᠢᠲᠡᠯᠢᢉ ᠵᠢᠷᠤᠮ ᠳ᠋ᠤ ᠨᠡᠮᠡᠯᠲᠡ᠂ ᠥᢉᠡᠷᠡᠴᠢᠯᠡᠯᠲᠡ ᠣᠷᠤᠭᠤᠯᠬᠤ᠂ ᠰᠢᢉᠦᢈᠦ ᠡᠷᢈᠡ ᠮᠡᠳᠡᠯ ᠦ᠋ᠨ ᢈᠦᠷᠢᠶᠡᠨ ᠳ᠋ᠦ ᠳᠠᠭᠠᠵᠤ ᠮᠥᠷᠳᠡᢈᠦ ᠬᠠᠤᠯᠢ ᠲᠣᠭᠲᠠᠭᠠᠮᠵᠢ ᠶ᠋ᠢ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠭᠠᠬᠤ᠂ ᠰᠢᢉᠦᢈᠦ ᠶ᠋ᠢᠨ ᠲᠣᠭᠲᠠᠯᠴᠠᠭᠠ᠂ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠲᠠ᠂ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠭᠠᠬᠤ᠂ ᠰᠢᢉᠦᢉᠴᠢ ᠶ᠋ᠢᠨ ᠡᠷᢈᠡ ᠠᠰᠢᠭ ᠢ᠋ ᠬᠠᠮᠠᠭᠠᠯᠠᠬᠤ᠂ ᠰᠠᢈᠢᠯᠭᠠ ᠬᠠᠷᠢᠭᠤᠴᠠᠯᠭᠠ ᠶ᠋ᠢ ᠰᠠᠶᠢᠵᠢᠷᠠᠭᠤᠯᠬᠤ ᠠᠰᠠᠭᠤᠳᠠᠯ ᠢ᠋ ᢈᠡᠯᠡᠯᠴᠡᠵᠦ ᠰᠢᠢᠳᠪᠦᠷᠢᠯᠡᠨᠡ᠃
