Булган аймаг дахь Шүүхийн Тамгын газар 2023 оны 4 дүгээр сарын 20-21-ний өдрүүдэд Рашаант суманд “Нээлттэй шүүх өдөрлөг”-ийг зохион байгуулж нүүдэллэн ажиллалаа. Энэ үеэр шүүхийн үйл ажиллагааг сурталчилах, иргэдэд нэхэмжлэлийн бүрдүүлбэрийг хэрхэн хангах, нотлох баримтыг бүрдүүлэх, цуглуулах, эвлэрүүлэн зуучлах ажиллагааг танилцуулах, ЕБС-ийн ахлах, дунд ангийн сурагчдад гэмт хэрэг, зөрчлийн талаар мэдээллийг хүргэн, дотуур байрны 9-12 дугаар ангийн сурагчдын дунд танин мэдэхүйн “АХА” тэмцээн зохион явууллаа. Мөн иргэдээс нэхэмжлэл, хүсэлтийг хүлээн авч, холбогдох хэрэг хянан шийдвэрлэх ажиллагааг хийж гүйцэтгэлээ.
Булган аймаг дахь Шүүхийн Тамгын газар
Хэвлэл, мэдээлэл, олон нийттэй харилцах баг
