Булган аймаг дахь Захиргааны хэргийн анхан шатны шүүх

Захиргааны хэргийн шүүхийн тухай ойлголт
Захиргааны хэргийн шүүх нь нийтийн засаг захиргааны байгууллага, албан тушаалтны хууль дээдлэн биелүүлж хүний эрхийг хэрхэн хангаж байгааг иргэд, хуулийн этгээдийн нэхэмжлэлийн үндсэн дээр хянан шалгаж, тэдгээр байгууллага, албан тушаалтны хууль бус акт ﴾бусад үйлдэл, эс үйлдэхүйгээр илэрдэг﴿ дур зоргын ажиллагаанаас хүний эрх, эрх чөлөөг хамгаалах, зөрчигдсөн эрхийг нь сэргээн тогтоох зорилго бүхий дагнасан шүүх мөн.

Улсын Их Хурал 2002 оны 12 дугаар сарын 26-ны өдөр “Захиргааны хэргийн шүүх байгуулах тухай”, “Захиргааны хэрэг хянан шийдвэрлэх тухай” хууль баталж эдгээр хуулиуд нь 2004 оны 6 дугаар сарын 01-ний өдрөөс эхлэн дагаж мөрдөгдсөний дагуу Булган аймгийн Захиргааны хэргийн шүүх нь 2004 оны 6 дугаар сарын 01-ний байгуулагдаж, тус шүүхийн Ерөнхий шүүгчээр Аймгийн шүүхийн ерөнхий шүүгч Ё.Бямбацэрэн, шүүгчээр П.Ууганцэцэг, Б.Мөнхжаргал нар, 2005 оноос шүүгчээр Г.Гантуяа томилогдож 4 шүүгчийн бүрэлдхүүнтэйгээр 2013 оны 12 дугаар сарын 18-ны өдрийг хүртэл үйл ажиллагаа явуулж байв.

2013 оны 01 дүгээр сарын 24-ний өдөр “Шүүх байгуулах тухай” хууль шинэчлэн батлагдаж, анхан шатны шүүхийн байршил, нутаг дэвсгэрийн харьяалал өөрчлөгдсөнтэй холбоотойгоор 2013 оны 12 дугаар сарын 18-ны өдрөөс Булган аймгийн Захиргааны хэргийн шүүх, Орхон аймгийн Захиргааны хэргийн шүүхтэй нэгдэн Захиргааны хэргийн анхан шатны 11 дүгээр шүүх болж, Орхон, Булган аймгийн бүхий л нутаг дэвсгэрт харьяалагдах захиргааны хэрэг маргааныг шийдвэрлэх үйл ажиллагаа явуулж байсан билээ.

Түүнчлэн 2015 оны 6 дугаар сарын 19-ний өдөр “Шүүх байгуулах тухай “ хууль дахин өөрчлөн батлагдаж 2015 оны 7 дугаар сарын 01-ний өдрөөс Булган аймагт дахин Захиргааны хэргийн анхан шатны шүүх байгуулагдсан ба Ерөнхий шүүгчийн албан үүргийг түр орлон гүйцэтгэгчээр шүүгч Г.Гантуяа, шүүгчээр Б.Мөнхжаргал нар, шүүгчийн туслахаар Д.Булганчимэг томилогдон ажиллаж улмаар  2015 оны 12 дугаар сарын 23-ны өдрийн 189 дүгээр зарлигаар Г.Гантуяа тус шүүхийн Ерөнхий шүүгчээр, 2021.03.01 -ээс  Б.Мөнхжаргал Булган аймаг дахь Захиргааны хэргийн анхан шатны шүүхийн Ерөнхий шүүгчээр тус тус томилогдон ажиллаж байна.

ШҮҮГЧИД:

Батбаярын МӨНХЖАРГАЛ

• 2021.03.01 -ээс  Булган аймаг дахь Захиргааны хэргийн анхан шатны шүүхийн Ерөнхий шүүгчээр томилогдон ажиллаж байна

• 2015.06.30 -аас  Булган аймаг дахь Захиргааны хэргийн анхан шатны шүүхийн шүүгчээр томилогдон ажилласан

• 2013 онд Хууль, эрхзүйн “Магистр” зэрэг хамгаалсан.

• МЗХ-ны “Хөдөлмөрийн алдар” алтан медалиар 2006 онд шагнагдсан.

• МЗХ-ны “Тэргүүний залуу” алтан медалиар 2013 онд шагнагдсан.

Бат-Эрдэнийн БАТЧИМЭГ

Урьд болон одоо ажиллаж байгаа газар:

№	Ажлын газрын нэр	Хугацаа	Албан тушаал
1	“Бий булаг” ХХК	1998-1998.12 сар	Зохион байгуулагч
2	Булган аймгийн шүүхийн Тамгын хэлтэс	2004-2006  онд	бичиг хэргийн ажилтан, нярав
3	Булган  аймаг дахь Сум дундын шүүх	2006-2012 онд	шүүгчийн туслах, шүүх хуралдааны нарийн бичгийн дарга
4	Булган аймгийн Захиргааны хэргийн анхан шатны  шүүх	2012-2014 онд	шүүгчийн туслах
5	Захиргааны хэргийн 11 дүгээр шүүх	2014-2014.07 сар	шүүгчийн туслах
6	Захиргааны хэргийн 13 дугаар шүүх	2014-2015 онд	Шүүгч
7	Өвөрхангай  аймаг дахь захиргааны хэргийн анхан шатны шүүх	2015-2020	Шүүгч
8	Булган аймаг  дахь захиргааны хэргийн анхан шатны шүүх	2020.10.14-ний өдрөөс  одоог хүртэл	Шүүгч